Биһиги көрдөһүүбүтүнэн Кировскайтан Анна Дмитриевна Аргунова-Кривошапкина Василий Павлович туһунан кылгастык суруйан ыытта.

Мээнэттэн сатыы сэриигэ ыҥырыллан барбыта. Аҕата Павел Андреевич Аргунов- Сыппаҥха, ийэтэ Анна Николаевна Афанасьева. Ийэтэ Атамай Халлаан Үрэҕэ диэн сиригэр төрөөбүт.

15-тэ оҕоломмут, 1938 с.өлбүт. 6 оҕону Намынан, Мэҥэнэн атын дьон ииппит. Убайа Василий Павлович Аргунов сэриигэ сураҕа суох сүппүт. Ол туһунан 15 киһиттэн соҕотох хаалбыт балта Елизавета Павловна Павлова-Аргунова миэхэ манныгы эппитэ: "Аҕабар хамандыыртан хайҕал сурук, хаартыска кэлбитэ. Снайпер аатын ылаары сылдьар, Америка таҥаһыттан сон, ырбаахы, харчы, бурдук сыыһа ыыппыта", - диэбитэ. Ону мин быһааран  ыйыппатахпын. "Сураҕа суох сүппүт" диэҥҥэ олох сөбүлэспэт этэ, хорсуннук сэриилэһэрин, аҕатыгар хамандыыр суруга кэлбитин, мин кинигэҕэ киллэртэрэрбэр эппитэ, ол дьэ туолара буоллар диэн, бу эдьиийим этиитин тиэрдэбин.

Елизавета Павловна 1948 с. II Атамай киһитигэр Афанасий Петрович Павловка кэргэн барбыт. Онно үйэтин тухары иллээхтик олорон, оҕолорун иитэн, бу орто дойду олоҕуттан 2006 с.ахсынньы 17 күнүгэр барбыта. Горнай оройуонун дьоно истиҥник ахтар киһилэрэ Илииһэ-Сибиэтэ хаһыатынан бииргэ төрөөбүттэрин ирдэһэн булан, билсэн, хаартыскаларынан альбому оҕолоро төрөөбүт күнүгэр бэлэхтээбиттэригэр көстөр. Үтүө үлэһит, сырдык санаалаах Илииґэ-Сибиэтэ Павловна Аргунова-Павлова булбут сиэн бырааттара, балыстара Намынан, Мэҥэ Хаҥалаһынан, Кировскайга, Дьокуускайынан олороллор.

Буойун убайын уола Виктор Иннокентьевич Аргунов Кировскайга сылгыһыттыыр, түөрт оҕолоох, сиэннэрдээх.