1924 с., Маалтааны, "Маай" к-з, 1942 с. Горнайтан барбыта. Фашистскай Германияны утары фроҥҥа сэриилэспитэ. 1944 с. алтынньы 12 к. хаҥас саннын курдары ыттаран, ыараханнык бааһыран инбэлиит буолбут уонна 1945 с. олунньу ыйга дойдутугар кэлбитэ. Кини IV Украинскай фронт Кыһыл Знамялаах Таманскайдааҕы 242 хайа-стрелковай дивизиятын 903 стрелковай полкатын састаабыгар сэриилэспит, пулеметчик. "Хорсунун иһин" мэтээлинэн наҕараадаламмыт. Сэрииттэн кэлэн баран, бастаан милиционерынан, онтон өлүөр диэри райПо рабочайынан үлэлээбитэ. 1987 с. Бэрдьигэстээххэ ыалдьан өлбүтэ.

1942 с. маҥнай Мальта диэн Иркутскай уобаласка алта ый устата, онтон Даурия диэн сиргэ эмиэ салгыы үөрэммитим.

1943 с. Керчь диэн куоракка фронтовой линияҕа киирбитим. Онтон атахпар кыратык араанньы буолан тыылга тахсыбытым. 1944 с. 903-c сп саҥа фроҥҥа киирбитим. Бу сырыыбар икки төгүл, түөрт буолан разведкаҕа сылдьан, билиэннэйи ылбыппыт. Ити сырыы иһин миигин "Хорсунун иһин" мэтээлинэн наҕараадалаабыттара. Биирдэ командирбын немец ытаары турдаҕына тутуу былдьаһан, немеһи инники ытан өлөрбүтүм. Ол иһин "Бойобуой үтүөлэрин иһин" мэтээлинэн наҕараадаламмытым. 1944 с. күһүн атахпар, илиибэр араанньы буолан госпитальга эмтэммитим.

1945 с. үтүөрэн дойдубар төннөн кэлбитим. Биэнсийэҕэ барыахпар диэри райПО-ҕа үлэлээбитим.

Алексеев В.И."Кыа хааннарын тоҕон, хорсуннук сэриилэһэн"./"Үлэ күүһэ" хаһыат редакцията АУ; /Бэчээккэ бэлэмнээтэ В.И.Алексеев/-Бэрдьигэстээх, 2015. – 336 стр.